Gulrótasúpa með eplum og engifer

Gulrótasúpa

Gulrótasúpa með eplum og engifer. Skiptir ekki oft máli að maturinn sé fallegur á litinn? Þessi súpa er bæði bragðgóð og fögur á litinn. Ef til vill finnst einhverjum of mikið að hafa tvær matskeiðar af engifer, auðvitað er ekkert heilagt í þessum efnum frekar en svo mörgum öðrum. Eplið gefur sætan keim á móti hvítlauknum og engiferinu.

Gulrótasúpa með eplum og engifer

1 lítill laukur

3-4 msk góð olía

2 hvítlauksgeirar, saxaðir

2 msk saxað engifer

1 lítið epli, saxað

4-5 b gulrætur í sneiðum

3-4 b grænmetissoð

1 ds kókosmjólk

múskat

salt og pipar

Saxið lauk og létt steikið í olíu, bætið við hvítlauk, engifer, epli, gulrótum, soði og kryddi. Sjóðið í um 30 mín. Bætið kókosmjólkinni við í restina og maukið.

PDF til útprentunar

3 thoughts on “Gulrótasúpa með eplum og engifer

Leave a Reply

Your email address will not be published. Required fields are marked *