Möndlusteiktur skarkoli

Koli

Möndlusteiktur skarkoli. Get nú ekki sagt að ég eigi sérstaklega góðar kolaminningar frá æskuárum, mér þóttu beinin helst til of mörg og til ama. En nú er öldin önnur. Heitið rauðspretta á skarkolanum er gömul dönskusletta (sbr.Rødspætte) í íslensku. Danska heitið er tilkomið vegna hinna rauðu díla sem sjást í roðinu. Því miður var ekki til capers á heimilinu en engu að síður bragðaðist skarkolinn mjög vel

Möndlusteiktur skarkoli

1/2 b heilhveiti

1/2 b möndluflögur

3/4 tsk svartur pipar

1/2 tsk salt

2 egg

2 msk vatn

600 g koli

4 msk góð olía

1/4 b hvítlaukur í sneiðum

2 msk capers

3 msk sítrónusafi

Fínmalið möndlurnar í matvinnsluvél, setjið í djúpan disk. Blandið saman við heilhveiti, salti og pipar. Hrærið saman vatni og eggjum á öðrum djúpum diski. Veltið fiskinum uppúr eggjunum, þá hveitimöndlublöndunni og steikið á báðum hliðum í olíunni á pönnu. Takið til hliðar. Steikið hvítlaukinn í nokkrar mínútur sömu olíu, bætið restinni af möndlum, kapers saman við og líka sítrónusafanum. Takið hvítlaukinn af pönnunni, setjið fiskinn á hana aftur og hvítlaukinn yfir, látið malla í nokkrar mín.

Leave a Reply

Your email address will not be published. Required fields are marked *