Grískur kjúklingaréttur

Grikkland kjuklingur  Grískur kjúklingaréttur. Mikið er alltaf áhugavert að prófa rétti sem eru „eyrnamerktir“ öðrum löndum. Þessa dagana er ég upptekinn af grískum mat og matarmenningu. Sérstaka athygli mína vakti að það eiga að vera 12 ólífur í réttunum 🙂

Satt best að segja fylgdi ég ekki alveg leiðbeiningunum hér að neðan. Kjúklingalærin úrbeinaði ég, skar í tvennt og raðaði í eldfast form. Svo blandaði ég öllum hráefnunum nema fetaostinum og steinseljunni saman í skál og setti yfir lærinu. Því næst fór osturinn inn og þetta var svo eldað við lágan hita í ofni í 2 1/2 klst (með álpappír yfir lengst af) og að lokum var sett söxuð steinselja yfir.

Grikkland kjuklingur

Grískur kjúklingaréttur

8 kjúklingalæri

2 laukar

olía

750 g kartöflur, skornar í bita

1 rauð paprika skorin í strimla

1 gul paprika skorin í strimla

3 hvítlauksgeirar, saxaðir smátt

2 tsk paprikuduft, sætt

1 msk oreganó

400 g tómatar

12 ólífur

steinselja

1 b fetaostur

Snöggsteikjið kjúklinginn á vel heitri pönnu og raðið í eldfast form. Steikið laukinn í olíunni, bætið við hvítlauk, papriku, kartöflum og kryddi. Setjið yfir kjúklinginn, látið ólífur yfir og fetaost. Bakið í ofni í um 45 mín eða þar til kjúklingurinn er gegnum steiktur. Saxið steinselju og stráið yfir áður en þið berið réttinn á borð.

Grikkland kjuklingur

Leave a Reply

Your email address will not be published. Required fields are marked *