Heitur aðventudrykkur

Adventudrykkur

Heitur aðventudrykkur. Sum krydd tengum við frekar við aðventuna og jólin en önnur, t.d. kanil, kardimommur og negul. Þennan drykk á að sjóða niður í á fjórða tíma en á þeim tíma fyllist húsið af góðri jólalykt. Það er vel hægt að gera gott rauðvínslaust jólaglögg, þeir sem vilja bæta víni við geta sett eins og eina eða tvær matskeiðar af góðu rommi. Mér urðu á þau mistök að ég skar mandarínurnar í báta og sauð með berkinum, en þá verður drykkurinn of beiskur.

Heitur aðventudrykkur

1 1/2 l eplasider

3 kanilstangir

2 mandarínur

1 msk negulnaglar

1 msk heilar kardimommur

Setjið eplasider, kanil, negulnagla og kardimommur í pott. Takið börkinn af mandarínunum, skerið í fjóra báta og kreystið mesta safan saman við og setjið „kjötið“ einnig út í pottinn. Sjóðið á lágum hita í 3 – 3 1/2 klst. Ekki með loki á.

Adventudrykkur

Leave a Reply

Your email address will not be published. Required fields are marked *