Sveskjuterta – krydduð og gómsæt

Sveskjuterta

Sveskjuterta. Dagurinn var tekinn snemma og bökuð sveskjuterta. Sumum finnst sveskjur lítið spennandi, þær hafa lengi vel haft á sér stimpilinn “góðar fyrir hægðirnar” og svo ekkert annað… Til að bregðast við minnkandi sveskjusölu í Bandaríkjunum er farið að selja þær sem Þurrkaðar plómur – við það eitt jókst salan til muna. En hvað um það, sveskjur eru góðar einar og sér eða í tertu eins og þessa. Hæfilegt magn af kryddum gerir hana enn gómsætari og minnir okkur á að nú styttist í jólin.

Sveskjuterta

2 dl sveskjur

vatn

3 dl hveiti

1 tsk salt

1 tsk matarsódi

1 tsk allrahanda

1 tsk kanill

1 tsk múskat

2 dl olía

2 dl sykur

1 tsk vanilla

3 egg

1/2 b (soya)mjólk

Ofan á:

1 dl sykur

1 dl (soya)mjólk

100 g smjör

1 msk síróp

1 tsk matarsódi

1 tsk vanilla.

Skerið sveskjurnar gróft, setjið í pott og vatn þannig að rétt fljóti yfir þær. Sjóðið í um 8 mín. Hellið vatninu af og látið kólna. Blandið saman hveiti, salti, matarsóda og kryddum í skál. Setjið í aðra skál olíu, sykur, vanillu, og egg og hrærið vel saman. Bætið við þurrefnunum og mjólkinni og loks sveskjunum. Bakið kringlóttu formi í 150° heitum ofni í 35-40 mín.

Á meðan kakan bakast er það sem fer ofan á undirbúið.

Setjið sykur, mjólk, smjör, síróp, matarsóda og vanillu í pott og látið sjóða í um 10 mín eða þar til þetta er orðið gyllt á litinn. Hellið yfir kökuna á meðan hún er enn heit (og í forminu). Stráið yfir kókosflögum.

Sveskjuterta

Leave a Reply

Your email address will not be published. Required fields are marked *