Hnetusmjörs-, banana- og kókósrjómaís

Pétur&Bjarni

Hnetusmjörs-, banana- og kókósrjómaís. Söng- og sambýlisfélagarnir Pétur og Bjarni eru afar liðtækir í eldhúsinu og farnir að undirbúa jólamatinn.
Vegan hnetusmjörs-, banana- og kókósrjómaís með súkkulaðibitum og mintu! Tilvalinn eftirréttur um jól og áramót, má eiginlega segja að þetta sé jóla- og áramótaísinn 2014.

Hnetusmjörs-, banana- og kókósrjómaís

800 ml kókósrjómi (kældur)

1 dl döðlusýróp

1 1/2 dl hnetusmjör

3 bananar (best ef orðnir vel dökkir)

2 tsk vanilludropar

100 g dökkt súkkúlaði 70%

Mintublöð

Uppskriftin hentar fyrir allt að 8 manns.

Best er að eiga ísvél en við gerðum þetta með því að setja ísinn í frysti og taka hann út á hálftíma fresti og hræra í með písk.

Bitið súkkúlaðið í litla bita og setjið til hliðar.
Setjið kókósrjómann og sýrópið í blandara og látið blandast vel saman.  Því næst má setja hnetusmjörið og vanilludropana saman við. Hendið svo bönununum út í og blandið þangað til allt er orðið vel blandað saman. Hellið í form (kælt). Setjið í frysti og takið út á hálftíma fresti og hrærið í blöndunni međ písk.

Þetta tekur dágóðan tíma en alveg þess virði! Viđ byrjuđum kl. 17 of ísinn var ekki tilbúinn fyrr en um miđnætti.

Berið fram með mintublöðum og jafnvel jarðaberjum líka 😉

Verđi ykkur ađ góđu!

Kveðja
Bjarni og Pétur í Hollandi!

Ís Ís Ís Ís

Leave a Reply

Your email address will not be published. Required fields are marked *