Borða konur með háa hanska?

hanskar

Borða konur með háa hanska?  Svarið er stutt og einfalt: konur borða hvorki með háa né lága hanska. Hins vegar ef konur mæta með hanska í boð þá eru þeir ekki teknir af fyrir en máltíð hefst, geymdir í kjöltunni, en ekki settir á matarborðið. Að lokinni máltíð eru hanskarnir dregnir upp aftur.  Konur mega heilsa og halda á fordrykkjum verandi í hönskunum. Hér áður fyrr þótti besta mál að konur í standandi boðum væru íklæddar hönskum þegar þær stungu upp í sig pinnamatnum, held okkur finnist það svolítið einkennilegt í dag.

Karlmenn klæðast hönskum aðeins utandyra og heilsa aldrei með hönskum. Við ákveðnar siðaathafnir td.jarðafarir þekkist að karlmenn séu með hanska innandyra við kjólföt. 

Kannski finnst sumum þessi færsla gamaldags því að núorðið sjáist konur sjaldan með hanska, en hafið í huga að það er aldrei að vita hvenær breyting verður á tískunni.

Leave a Reply

Your email address will not be published. Required fields are marked *