Linsubauna og bóghveiti salat – stútfullt af hollustu

 Linsubauna og bóghveiti salat – stútfullt af hollustu. Nathalía Druzin Halldórsdóttir söngkona og starfsmaður Íslensku óperunnar var í óðaönn að undirbúa frumsýningu Mannsraddarinnar þegar ég rak inn nefið á dögunum. Auðvitað var hún til í að gefa uppskrift af þessu bragðgóða og holla salati. Aðspurð hvort salatið ætti sér einhverja sögu svaraði hún „Í raun bara þá að auka inntöku á baunum og síðan hef ég alltaf verið mjög hrifin af bóghveitigrjónum þ.a saman er þetta snilld ef maður vill hugsa um heilsuna 🙂
Bóghveiti gefur mikið magnsium í kroppinn”

#2017Gestabloggari4/52

Linsubauna og bóghveiti salat – stútfullt af hollustu!

4 dl grænmetissoð

1 dl grænar linsubaunir

1 dl bóghveitigrjón

2 msk ólífuolía

2 laukar

2 stilkar sellerí

3 gulrætur

4 hvítlauksgeirar

Kryddblanda:

1 tsk majoram

1 tsk timian

Rifinn börkur af sítrónu (heil til hálf, fer e. stærð)

Handfylli af ferskri steinselju, söxuð

1 msk malað kummin

1 tsk rauðar chilli flögur

½ tsk malaðar kardemommur

1 egg

Dressing:

5 msk ólífuolía

safi úr einni sítrónu

salt og pipar

Aðferð:
Hitið grænmetissoðið að suðu og setjið linsubaunirnar í pottinn, lækkið hitann og hrærið þar til þær eru mjúkar (15-20 mín). Sigtið, en geymið vökvann. Setjið linsurnar í stóra skál
Sjóðið bókhveitigrjónin þar til þau eru stinn (u.þ.b. 15 mín)

Hitið olíu í þykkbotna potti, saxið laukinn og steikið þar til hann er glær, bætið þá sellerí, gulrótum og hvítlauk og haldið áfram að elda þar til gulrætur verða mjúkar. Hrærið grænmetisblöndunni út í linsurnar.
Blandið kryddblöndunni saman og setjið til hliðar
Hrærið eggið upp í skál og blandið saman við bókhveitigrjónin þegar þau eru tilbúin beint í pottinum og látið eggið setjast í grjónin. Bætið þá vökvanum úr linsubaununum saman við og hrærið saman.
Blandið bóhveitinu og linsubaununum saman og síðan kryddblöndunni út í ásamt salt og pipar eftir smekk.
Setjið dressingu yfir og blandið vel

Berið fram volgt eða kalt

#2017Gestabloggari4/52

Leave a Reply

Your email address will not be published. Required fields are marked *