Toblerone- og Daimterta – nammiterta allra tíma

Toblerone- og Daimterta. Nammitertur eru nammitertur, það er nú bara þannig. Ef þið eruð í megrun eða eitthvað slíkt þá getið þið bara sleppt því að lesa þessa uppskrift. Þegar mikið stendur til eins og páskar, ferming eða annað slíkt má alveg skella í eina kalóríusprengju og njóta. Þessa tertu þarf ekki að baka en gott er að kæla hana vel áður en hún er borin fram, stórfínt er að útbúa hana deginum áður.

Toblerone- og Daimterta – Dúndurgóð páskaterta

1 pk Haust kex (eða annað hafrakex)

75 gr. smjör

2 msk olía

1 pk Daim súkkulaði

Bræðið smjör í potti og bætið olíunni saman við. Myljið Daim í matvinnsluvél og bætið kexinu saman við og malið áfram. Blandið brædda smjörinu saman við súkkulaði- og kexblönduna
Setjið deigið í bökuform, kælið.

Fylling:

200 gr Toblerone

3 msk síróp

50 gr smjör

1/3 tsk salt

1 egg aðskilið

1 dós Mascarpone

1 dl púðursykur

Hitið Toblerone, síróp og smjör í potti. Bætið við Macarpone og eggjarauðu og hrærið vel saman. Þeytið vel saman eggjahvítu og púðursykur og blandið saman við.
Hellið yfir botninn og kælið.

Skreytið með söxuðu Daim og stráið flórsykri yfir.

Leave a Reply

Your email address will not be published. Required fields are marked *