Kínóa með eggaldin, sveppum og spínati

Kínóa með eggaldin, sveppum og spínati. Eggaldin eru í miklu uppáhaldi hér um þessar mundir. Veit bara ekki hvernig þetta gæða-grænmeti gat farið framhjá mér svo árum skiptir. Svo er eggaldinið hollt ekki síður en kínóa. Fjólublái liturinn á myndinni kemur af grófu bláberjasalti . Einfaldur, góður og hollur réttur sem tekur ekki svo langan tíma að útbúa. Þetta getur bæði verið aðalréttur eða meðlæti.

Kínóa með eggaldin, sveppum og spínati

2 stór eggaldin

4 msk góð olía

1 b kínóa

1 askja sveppir (250 g)

4 msk góð olía

1/2 rauð paprika, skorin gróft

3-4 hvítlauksgeirar, saxaðir smátt

2-3 lúkur ferskt spínat

2 dl fetaostur

salt og pipar

Skerið eggaldin í frekar grófa bita. setjið í skál og hellið olíu yfir. Setjið bökunarpappír á ofnskúffu, eggaldinið á og bakið við 180°C í um 20 mín.

Skolið kínóa og sjóðið. Saxið sveppina gróft og steikið í olíu bætið við papriku og hvítlauk. Látið malla á lágum hita í nokkrar mínútur. Setjið eggaldi, spínat og feta út í og kryddið með salti og pipar

SaveSave

Leave a Reply

Your email address will not be published. Required fields are marked *