Hildur Eir og Heimir útbjuggu fiskisúpu og heilsuköku

Heiðurshjónin Hildur Eir Bolladóttir og Heimir Haraldsson á Akureyri útbjuggu fiskisúpu eftir uppskrift frá Dodda vini þeirra og heilsuköku á eftir.  Doddi heitir Þórður Jakobsson og er kokkur á sjó „við kennum hann oftast við konuna hans og segjum Doddi Sigrúnar” Doddi veit hvernig gott er að meðhöndla auðævi sjávar og metta harðduglega sjómenn (og aðra)

#2017Gestabloggari 42/52

Fiskisúpa Dodda

60 % kókosmjólk

20% rjómi

20%mysa

Chillimauk (sembal olek)

fiskikraftur

gulrætur

rauðlaukur

paprika

steinselja

Fiskur að eigin vali.

Við notum bæði hvítan og bleikan fisk í okkar súpu, lax, þorsk og jafnvel steinbít.

Setjið allt í pott og sjóðið í um korter. Bætið fiskinum út í allra síðast, þannig að hann verði rétt soðinn þegar súpan er borin á borð.

Heilsukaka Hildar Eirar. Í eftirrétt er heilsukaka Hildar sem er mín eigin uppfinning en eftir margra ára baráttu við sykurfíkn og marengsmartraðir þá varð þetta til:

Heilsukaka Hildar Eirar

Botn:

1 1/2 b Granólamúslí

100 g smjör, brætt

Fylling

1/4 l rjómi

1 ds Grísk jógúrt frá Örnu

2 msk sykurlaus rifsberja eða jarðarberjasulta frá St. Dalfour

Blandið saman Granóla og bræddu smjöri og þjappið form. Stífþeytið rjóma og bætið jógúrt saman við og sultunni. Setjið yfir botninn og skreytið með berjum. Geymið í frysti í um klst áður en kakan er borin fram.

Leave a Reply

Your email address will not be published. Required fields are marked *